IV Xuntanza d'Espeleologos Asturianos

IV Xuntanza d'Espeleólogos Asturianos: Teberga 27, 28 de febreru y 1 de marzu de 2009

Els amics del Grupu d’Espeleoloxia Gorfolí d’Asturies organitzen aquestes jornades en el marc de l’interessant Cueva Güerta.

"Otru añu más y van cuatro: ver a los collacios, trasegar sidra, fartase a modo y pasalo en grande!. Y dizque nun hai quintu malu... la cosa cuaya.

Vienres 27 febreru 2009
19'30 Presentacion de L'Axuntanza
19'45 Primer presentacion: Javier (L'Esperteyu)
21'00 Conceyu Abiertu
22'00 Cena

Sábadu 28 febreru 2009
10'00 Visita a Cueva Güerta
14'00 Comida
16'30 Primer presentacion: Mumi (Gema)
18'00 Segunda presentacion: Pablo Solares (Escar)
19'30 Tercer presentacion: Rupo (Espeleobuceo en Burgos)
22'00 Cena

Domingu 1 marzu 2009
11'30 Presentacion: Santi (Diañu)
13'30 Clausura
14'00 Comida
16'30 Visita Muséu de la Prehistoria: Xuacu intérprete-guía (Gorfoli)

Quedais convidaos.

Y los que quieran apuntase, mandái un mail entrugando pol Sr. Solís."

L'Axuntanza d'Espeleólogos ye una iniciativa dafecho abierta a toos aquellos espeleólogos asturianos qu'entá esploren y qu'asina entienden la nuesa actividá; una barricada escontra la usurpación d'una filosofía; un abellugu.

La razón que mos lleva a entamar esta iniciativa ye qu'a naide nun se-y escapa el que, d'un tiempu p'acá, la esploración y l’estudiu les cavidaes naturales soterrañes y el so entornu natural y cultural, vien articulándose cada vuelta más al marxe d'anquilosaes estructures de calter vertical, evolucionando de forma natural a un sistema organizacional en rede.

Les míseres, fates, cansines y ermes batalles pol poder que carautericen l'actividá nes estructures tradicionales de calter vertical, nun faen otro que consumir fuelgu ensin xacíu, mancándonos muncho mui bien ya impidiendo'l xorecer d'iniciatives fresques y nueves.

Consumen una valible enerxía, que bien de nós cuidamos habría empobinase a llevar alantre iniciatives positives y dafecho constructives. La rede ye un sistema horizontal, abiertu; un sistema colaborativu, participativu y flesible que s’articula alrodiu d’oxetivos comunes, ensin tar pa nada condicionáu poles estremaes pertenencies o dependencies de caún: pertenencia a estremaes Alministraciones o Estaos, Federaciones deportives, Universidaes, grupos d’investigación científica, clubes deportivos, asociaciones culturales, instituciones, particulares, etc.

Poro, cuidamos que ye mester algamar nuevos espacios de xuntanza ente nós Espacios qu'afalaguen la circulación y l'intercambiu d'información; espacios au s'afiten bonales y abiertes relaciones ente los espeleólogos asturianos; espacios onde l'actividá seya quién pa reverdecer de contino, xenerando proyeutos nuevos; espacios que den vida y aliendu a la nuesa vieya pasión pola esploración...

Textos extrets d’Espeleoastur.